WhatsApp Trick: ఈ రోజుల్లో స్మార్ట్ఫోన్ లేకుండా రోజువారీ పనులు జరగడం చాలా కష్టం. ముఖ్యంగా ఫోన్లో వాట్సాప్ లేకపోతే చాలా పనులు ఆగిపోతాయి. మెసేజింగ్ యాప్లు ఎన్నో ఉన్నప్పటికీ వాట్సాప్కు ఉన్న ప్రాచుర్యం మాత్రం తగ్గలేదు. మొబైల్ డేటా అందుబాటులోకి వచ్చిన తర్వాత చాలామంది సాధారణ కాల్ బ్యాలెన్స్ కూడా వేయడం తగ్గించి, నేరుగా వాట్సాప్ కాల్స్, మెసేజ్లపై ఆధారపడుతున్నారు.
అయితే చాలామందికి తెలియని విషయం ఏమిటంటే, కొన్ని పరిస్థితుల్లో సాధారణ ఇంటర్నెట్ కనెక్షన్ లేకున్నా కూడా వాట్సాప్ను ఉపయోగించే అవకాశం ఉంది. దీనికోసం వాట్సాప్లో ఉన్న ప్రాక్సీ ఫీచర్ సహాయపడుతుంది. ఈ ఫీచర్ ద్వారా మీరు మెసేజ్లు పంపడం, స్వీకరించడం కొనసాగించవచ్చు. ప్రత్యేకంగా మరో యాప్ లేదా ప్లాట్ఫామ్ అవసరం లేకుండా వాట్సాప్ సెట్టింగ్స్లోనే ఈ ఎంపిక ఉంటుంది.
ప్రాక్సీ ఫీచర్ను ఆన్ చేయాలంటే ముందుగా మీ స్మార్ట్ఫోన్లో వాట్సాప్ ఓపెన్ చేయాలి. పైభాగంలో ఉన్న మూడు చుక్కలపై ట్యాప్ చేసి Settings → Storage and Data → Proxy అనే ఆప్షన్లోకి వెళ్లాలి. అక్కడ ప్రాక్సీ అడ్రస్ నమోదు చేసి సేవ్ చేస్తే కనెక్షన్ ఏర్పడుతుంది. కనెక్ట్ అయిన తర్వాత ఆకుపచ్చ రంగు గుర్తు కనిపిస్తుంది. అది ప్రాక్సీ సరిగ్గా పని చేస్తున్నదని సూచిస్తుంది. ఈ విధానం ల్యాప్టాప్ లేదా డెస్క్టాప్లో వాట్సాప్ ఉపయోగించే వారికి కూడా ఉపయోగపడుతుంది.
ప్రాక్సీ ద్వారా కనెక్ట్ అయినా కూడా వాట్సాప్ సందేశాలు ఎండ్-టు-ఎండ్ ఎన్క్రిప్షన్తోనే ఉంటాయి కాబట్టి మెసేజ్ల భద్రత సాధారణంగానే ఉంటుంది. అయితే థర్డ్ పార్టీ ప్రాక్సీ వాడితే మీ IP అడ్రస్ ప్రాక్సీ ప్రొవైడర్కు కనిపించే అవకాశం ఉండటంతో, విశ్వసనీయమైన వనరుల నుంచే ప్రాక్సీ వివరాలు తీసుకోవడం మంచిది.
ఇంకో మార్గం WhatsApp Web ఉపయోగించడం. కంప్యూటర్లో గూగుల్లో “WhatsApp Web” ఓపెన్ చేసి, ఫోన్తో QR కోడ్ స్కాన్ చేస్తే అకౌంట్ కనెక్ట్ అవుతుంది. తర్వాత ఫోన్లో డేటా తాత్కాలికంగా ఆఫ్ ఉన్నా, ముందుగా కనెక్ట్ అయిన సెషన్ ద్వారా కొన్ని సందర్భాల్లో చాట్ కొనసాగించవచ్చు.
ఒకవేళ మెసేజ్లు లేదా కాల్స్ ఆగిపోతే, ప్రాక్సీ సెట్టింగ్స్లోకి వెళ్లి పాత అడ్రస్ తొలగించి కొత్త ప్రాక్సీ అడ్రస్ నమోదు చేయాలి. ఎప్పుడూ సురక్షితమైన, నమ్మదగిన ప్రాక్సీలనే ఉపయోగించాలి.
Also Read: Jobs: టెన్త్ అర్హతతో.. రూ.50వేలకుపైగా జీతం!
WhatsApp Trick: నెట్ లేకుండానే వాట్సాప్ యూజ్ చేయొచ్చు
