Doctors Advise: రోజువారీ జీవితంలో మనం పెద్దగా పట్టించుకోని కొన్ని విషయాలు ఆరోగ్యం (Health) గురించి ముఖ్యమైన సంకేతాలను ఇవ్వొచ్చు. అలాంటి వాటిలో మలవిసర్జన కూడా ఒకటి. సాధారణంగా టాయిలెట్ ఉపయోగించిన తర్వాత వెంటనే ఫ్లష్(Flush) చేసేస్తాం. అయితే మలాన్ని ఒక్కసారి గమనించడం ద్వారా కొన్ని అసాధారణ మార్పులను గుర్తించే అవకాశం ఉంటుందని వైద్య నిపుణులు సూచిస్తున్నారు(Doctors Advise).
కొలొరెక్టల్ సర్జన్ డాక్టర్ అశ్విన్ ప్రకారం, మలంలో రక్తం కనిపించడం, మలవిసర్జన అలవాట్లలో మార్పులు, మలబద్ధకం, కడుపునొప్పి వంటి లక్షణాలను నిర్లక్ష్యం చేయకూడదు. ముఖ్యంగా ఇలాంటి మార్పులు పదేపదే కనిపిస్తే కారణం ఏమిటో తెలుసుకోవడానికి వైద్యులను సంప్రదించడం మంచిది.
Also Read: Dream Beliefs: నిద్రలో నేరేడు పండ్లు కనిపిస్తే.. దాని అర్థం ఇదేనా?
మలంలో రక్తం కనిపిస్తే వెంటనే క్యాన్సర్ అని భయపడాల్సిన అవసరం లేదు. పైల్స్(Files), అనల్ ఫిషర్(Anal Fisher), ఇన్ఫెక్షన్లు(Infections), పేగులకు సంబంధించిన ఇతర సమస్యల వల్ల కూడా రక్తస్రావం జరగొచ్చు. అయితే రక్తం తరచుగా కనిపించడం లేదా దానితో పాటు ఇతర లక్షణాలు కూడా ఉంటే వైద్య పరీక్షలు(Medical Tests) చేయించుకోవడం చాలా ముఖ్యం.
అలాగే గతంలో లేని విధంగా అకస్మాత్తుగా మలబద్ధకం రావడం, విరేచనాలు తరచుగా రావడం, మలవిసర్జనలో మార్పులు కొనసాగడం, కడుపు నొప్పి, కారణం తెలియకుండా బరువు తగ్గడం వంటి లక్షణాలు ఉంటే వాటిని కూడా తేలికగా తీసుకోకూడదు. కొన్ని సందర్భాల్లో ఇవి పెద్దపేగు సంబంధిత వ్యాధులకు సంకేతాలు కావచ్చు.
Also Read: BP Tablets: బీపీ టాబ్లెట్ మానేశారా.. ఐతే ఈ వార్త మీ కోసమే..!
పెద్దపేగు క్యాన్సర్ వంటి సమస్యలను ప్రారంభ దశలో గుర్తిస్తే చికిత్స మరింత సులభంగా ఉండే అవకాశం ఉంటుంది. అందుకే శరీరం ఇచ్చే చిన్న సంకేతాలను(Signs) గమనించడం ముఖ్యమని వైద్యులు చెబుతున్నారు.
అయితే ప్రతిరోజూ మలాన్ని పరిశీలించాల్సిందేనని భయపడాల్సిన అవసరం లేదు. అసాధారణమైన రంగు, రక్తం(Blood), ఎక్కువసేపు కొనసాగుతున్న మలవిసర్జన మార్పులు వంటి విషయాలు కనిపిస్తే మాత్రం నిర్లక్ష్యం(Neglect) చేయకూడదు. ముఖ్యంగా స్వయంగా మందులు వేసుకోవడం కంటే, అవసరమైతే వైద్యుడిని సంప్రదించి సరైన కారణాన్ని తెలుసుకోవడం ఉత్తమం.
మొత్తానికి, టాయిలెట్(Toilet) విషయంలో కూడా మన శరీరం ఇచ్చే సంకేతాలను పట్టించుకోవడం ఆరోగ్యంపై అవగాహనలో ఒక చిన్న కానీ ఉపయోగకరమైన అలవాటు.
Also Read: Reheating Tea: టీని మళ్లీ మళ్లీ వేడి చేసుకుని తాగుతున్నారా?
