Vande Mataram: భారతదేశ జాతీయ గేయమైన ‘వందేమాతరం(Vande Mataram)’కు మరింత గౌరవాన్ని, చట్టబద్ధమైన రక్షణను కల్పించేందుకు కేంద్ర ప్రభుత్వం ఒక కీలకమైన అడుగు ముందుకు వేయనుంది. జాతీయ గీతమైన ‘జనగణమన’ మరియు జాతీయ జెండాకు ప్రస్తుతం ఉన్నటువంటి చట్టపరమైన రక్షణలను వందేమాతరంకు కూడా వర్తింపజేసేలా కొత్త బిల్లును రూపొందించింది. జూలై 20 నుండి ప్రారంభం కానున్న పార్లమెంట్ వర్షాకాల సమావేశాల (Monsoon Session) ఎజెండాలో ఈ బిల్లును చేర్చినట్లు లోక్సభ సెక్రటేరియట్ అధికారికంగా వెల్లడించింది.
అవమానించినా.. మధ్యలో అడ్డుకున్నా..
జరిమానా లేదా జైలు శిక్ష
ప్రస్తుతం అమలులో ఉన్న ‘ది ప్రివెన్షన్ ఆఫ్ ఇన్సల్ట్స్ టు నేషనల్ ఆనర్ యాక్ట్, 1971’ (Prevention of Insults to National Honour Act, 1971) కు సవరణలు చేస్తూ ఈ కొత్త సవరణ బిల్లును ప్రభుత్వం పార్లమెంట్లో ప్రవేశపెట్టనుంది. ఈ ప్రతిపాదిత బిల్లు ప్రకారం.. ఎవరైనా ఉద్దేశపూర్వకంగా వందేమాతరం(Vande Mataram) గేయాన్ని అవమానించినా, దానిని పాడుతున్నప్పుడు మధ్యలో అడ్డుకున్నా లేదా నిలువరించినా అది శిక్షార్హమైన నేరంగా పరిగణించబడుతుంది. ఇలాంటి ఉల్లంఘనలకు పాల్పడే వారికి గరిష్టంగా 3 సంవత్సరాల వరకు జైలు శిక్ష, జరిమానా లేదా రెండూ విధించేలా కఠిన నిబంధనలను బిల్లులో పొందుపరిచినట్లు సమాచారం.
Gold Prices: బంగారం కొనడానికి ఇదే బెస్ట్ టైమా? 
.. ఇంకా తగ్గుతుందా..?
తీవ్రమైన నేరం’
జాతీయ గీతానికి సమాన హోదా
గతంలో జాతీయ గేయమైన వందేమాతరంకు, జాతీయ గీతానికి సమాన హోదా కల్పించాలనే డిమాండ్లు తరచూ వినిపించినప్పటికీ, ఇప్పటివరకు దీనికి చట్టపరమైన రక్షణ లేదు. ఈ నేపథ్యంలో, దేశభక్తిని పెంపొందించే వందేమాతరం గేయానికి రాజ్యాంగబద్ధమైన, చట్టపరమైన పవిత్రతను చేకూర్చడమే లక్ష్యంగా కేంద్రం ఈ నిర్ణయం తీసుకుంది. వర్షాకాల సమావేశాల్లో ఈ బిల్లు ఉభయ సభల ఆమోదం పొందితే, జాతీయ జెండా తరహాలోనే వందేమాతరం గేయాన్ని అవమానించడం కూడా తీవ్రమైన నేరంగా మారిపోనుంది.
Also Read: Nolan Craze Peak: ఇదేం పిచ్చిరా నాయనా.. సినిమా కోసం ప్రెగ్నెన్సీ వాయిదా!
