Moon Temperature: చంద్రుడిపై ఎండ ఉంటుందా? షాకింగ్ ఫ్యాక్ట్స్!

Moon Temperature:— రాత్రి చంద్రుడిని చూస్తే చల్లగా, తెల్లగా కనిపిస్తాడు కదా. చాలామంది చంద్రుడిపై ఎండే(Moon Temperature) ఉండదు అనుకుంటారు. కానీ అసలు నిజం తెలిస్తే షాక్ అవుతారు. అక్కడ ఎండ మామూలుగా ఉండదు, భూమి మీద కంటే 3 రెట్లు డేంజర్!

అక్కడ ఒక రోజు అంటే మనకు నెల రోజులు!

చంద్రుడికి సొంత లైట్ లేదు, సూర్యుడి ఎండ పడితేనే మెరుస్తాడు. వాడు చాలా బద్ధకస్తుడు, తన చుట్టూ తాను తిరగడానికి 29 రోజులు తీసుకుంటాడు. అందుకే అక్కడ 14 రోజులు నాన్-స్టాప్ పగలు, 14 రోజులు నాన్-స్టాప్ రాత్రి ఉంటుంది.

పగలు ఎండ ఎలా ఉంటుందో తెలుసా?

అక్కడ ఎండ నేరుగా పడుతుంది. ఉష్ణోగ్రత ఏకంగా 127 డిగ్రీల దాకా వెళ్తుంది. అంటే అక్కడ బయట గుడ్డు పెడితే 2 నిమిషాల్లో ఆమ్లెట్ అయిపోతుంది! మనిషి సూట్ లేకుండా ఒక్క సెకను కూడా బతకలేడు.

రాత్రి వస్తే పరిస్థితి మొత్తం రివర్స్

సూర్యుడు వెళ్లిపోయాడో లేదో, టెంపరేచర్ ఒక్కసారిగా -173 డిగ్రీలకు పడిపోతుంది. అంటే అక్కడ ఉన్నదంతా ఐస్ అయిపోతుంది. ఎందుకంటే చంద్రుడికి మన భూమిలా దుప్పటి లాంటి వాతావరణం లేదు. పగలు వేడిని పట్టుకోలేడు, రాత్రి చలిని ఆపలేడు.

మరి వ్యోమగాములు ఎలా తిరిగారు?

అపోలో మిషన్‌లో వెళ్లిన వాళ్లు స్పెషల్ AC సూట్లు వేసుకున్నారు. ఆ సూట్లు ఎండకు కాలకుండా, చలికి గడ్డకట్టకుండా కాపాడాయి. ఇప్పుడు ఇస్రో, నాసా కట్టబోయే ఇళ్లు కూడా ఈ ఎండ, చలిని తట్టుకునేలానే డిజైన్ చేస్తున్నారు.

అక్కడ ఐస్ కూడా ఉందట!

చంద్రుడి చివర్లలో, ధ్రువాల దగ్గర ఎప్పుడూ ఎండ పడని పెద్ద పెద్ద గుంతలు ఉన్నాయి. అక్కడ నీటి మంచు ఉందని మన ఇస్రో చంద్రయాన్-1 మొదటిసారి కనిపెట్టింది. రేపు పొద్దున మనం అక్కడ ఇళ్లు కడితే ఆ నీళ్లే మనకు ప్రాణాధారం.

చివరగా ఒక్క మాటలో…

చంద్రుడిపై ఎండ ఉంది, కానీ అది మనం అనుకునే ముద్దు ముద్దు ఎండ కాదు. పగలు మండే ఎండ, రాత్రి వణికించే చలి. అందుకే అక్కడికి వెళ్లాలంటే జాకెట్ కాదు, స్పేస్ సూట్ కావాలి!

Also Read: Sitting on Floor while Eat: నేలపై కూర్చొని భోజనం చేస్తున్నారా? ఈ ఒక్క అలవాటు చేసుకుంటే చాలంతే!