Banana: మనకు తక్కువ ధరలో, ఏడాది పొడవునా లభించే అత్యంత పోషకాహారం ‘అరటిపండు(Banana)’. నిత్యం మన ఆహారంలో భాగమైన అరటిపండులో పొటాషియం, విటమిన్ B6, విటమిన్ C, పీచుపదార్థం (ఫైబర్) మరియు సహజమైన కార్బోహైడ్రేట్లు పుష్కలంగా ఉంటాయి. ఇవి శరీరానికి తక్షణ శక్తిని ఇస్తాయి. అయితే, అరటిపండును ఎప్పుడు పడితే అప్పుడు తినడం వల్ల దాని పూర్తి ప్రయోజనాలు లభించవని, సరైన సమయంలో తింటేనే ఆరోగ్యానికి మేలు జరుగుతుందని ఆరోగ్య నిపుణులు చెబుతున్నారు.
అరటిపండు తినడానికి ఉత్తమ సమయాలు:
-
ఉదయం అల్పాహారంతో (Breakfast): ఉదయాన్నే అల్పాహారంతో పాటు అరటిపండు తీసుకోవడం వల్ల రోజంతా ఉత్సాహంగా ఉండటానికి కావలసిన తక్షణ శక్తి లభిస్తుంది. అయితే కేవలం అరటిపండు మాత్రమే కాకుండా, ఇతర టిఫిన్తో కలిపి తీసుకోవడం మంచిది.
-
వ్యాయామానికి ముందు (Pre-Workout): వర్కౌట్ లేదా వ్యాయామం చేయడానికి 15-30 నిమిషాల ముందు అరటిపండు తినడం వల్ల శరీరానికి మంచి ఎనర్జీ లభిస్తుంది. ఇందులో ఉండే పొటాషియం వ్యాయామం చేసేటప్పుడు కండరాల నొప్పులు (Muscle cramps) రాకుండా కాపాడుతుంది.
-
మధ్యాహ్న భోజనం తర్వాత (Post-Lunch): లంచ్ చేసిన కొద్దిసేపటి తర్వాత అరటిపండు తింటే అందులోని పీచుపదార్థం జీర్ణక్రియను మెరుగుపరుస్తుంది. మలబద్ధకం సమస్య ఉన్నవారికి ఇది ఎంతగానో సహాయపడుతుంది.
-
సాయంత్రం స్నాక్గా (Evening Snack): సాయంత్రం వేళల్లో నూనె పదార్థాలు, జంక్ ఫుడ్ తినడానికి బదులుగా ఒక అరటిపండు తినడం ఆరోగ్యానికి ఎంతో శ్రేయస్కరం. ఇది కడుపు నిండిన భావనను ఇచ్చి, అతిగా తినకుండా అడ్డుకుంటుంది.
ఎప్పుడు తినకూడదు? జాగ్రత్తలు:
-
పరగడుపున (Empty Stomach): ఉదయాన్నే ఖాళీ కడుపుతో అరటిపండు తినకూడదు. ఇందులో ఉండే మెగ్నీషియం, పొటాషియం రక్తం కలిసే క్రమంలో శరీరంలో ఖనిజాల సమతుల్యత దెబ్బతినే అవకాశం ఉంది.
-
రాత్రి వేళల్లో: జలుబు, దగ్గు, ఆస్తమా లేదా సైసనస్ సమస్యలు ఉన్నవారు రాత్రి పూట అరటిపండు తినకూడదు. ఇది శరీరంలో కఫం (Mucus) పెరిగేలా చేస్తుంది. అలాగే రాత్రిపూట తింటే జీర్ణక్రియ మందగించి జీర్ణ సంబంధిత ఇబ్బందులు తలెత్తవచ్చు.
సరైన సమయంలో:
అరటిపండు ఆరోగ్యానికి అమృతం లాంటిదే అయినప్పటికీ, దానిని సరైన సమయంలో తీసుకున్నప్పుడే గరిష్ట ప్రయోజనాలు అందుతాయి. మీ శరీర తత్వానికి తగినట్లుగా సరైన వేళల్లో అరటిపండును ఆహారంలో భాగం చేసుకుని సంపూర్ణ ఆరోగ్యాన్ని పొందండి.
Also Read: Bahubali 3: రాజమౌళి మైండ్ గేమ్.. ‘బాహుబలి 3’ స్టోరీ ఇదేనా..?
