Jogini vs Matangi: సికింద్రాబాద్ ఉజ్జయిని (లష్కర్) మహంకాళీ బోనాల(Mahankali Bonalu)కు తెలంగాణలోనే ఎంతో ప్రత్యేకత ఉంది. ఏటా ఎంతో సంబురంగా జరుపుకునే ఈ ఉత్సవాలలో అత్యంత కీలక ఘట్టం ‘రంగం(Rangam)’ గురించి ప్రత్యేకంగా చెప్పనక్కర్లేదు. తెలంగాణ సంస్కృతి, ఆధ్యాత్మికతలకు ప్రతీకగా నిలిచే ఈ బోనాల ఉత్సవాలకు వేలాది భక్తులు తరలివస్తారు. పచ్చికుండపై నిలబడి అమ్మవారి ప్రతిరూపంగా మాతంగి చెప్పే ‘భవిష్యవాణి’ కోసం రాష్ట్రవ్యాప్తంగా భక్తులు ఎంతగానో ఎదురుచూస్తుంటారు. దశాబ్దాలుగా ఈ పవిత్ర బాధ్యతను మాతంగి(Matangi) స్వర్ణలత(Swarnalatha) ఎంతో నిష్ఠతో నిర్వహిస్తూ వస్తున్నారు. అయితే, ఇటీవల కాలంలో స్వర్ణలత స్థానాన్ని జోగినీ(Jogini)లు గానీ, లేదంటే ఇతరులు భర్తీ చేయబోతున్నారనే ప్రచారం సోషల్ మీడియాలో, ఆధ్యాత్మిక వర్గాల్లో తీవ్ర చర్చకు దారితీసింది. మరి ఈ ప్రచారంలో నిజమేనా? అసలు అలా జరగడం సాధ్యమేనా..? ఒకవేళ జరిగితే ఏమౌవుతుంది..? శాస్త్రాలు ఏం చెప్తున్నాయి? అన్న వివరాల్లోకి వెళితే..
ప్రచారానికి గల కారణాలు:
ఈ భర్తీ ప్రచారం హఠాత్తుగా రావడానికి ప్రధానంగా రెండు కారణాలని తెలుస్తోంది. మొదటిది, ఇటీవల కొన్ని ఇతర ప్రాంతాల్లో జరిగిన స్థానిక బోనాల వేడుకల్లో లేదా సాంస్కృతిక కార్యక్రమాల్లో ఇతర జోగినీలు, శివసత్తులు భవిష్యవాణి చెప్పడం ప్రారంభించారు. దీంతో ప్రధాన లష్కర్ బోనాల్లోనూ మార్పులు రాబోతున్నాయా అనే పుకార్లు షికారు చేశాయి. రెండవది, తెలంగాణలో జోగినీ వ్యవస్థ నిర్మూలన తర్వాత, ఆచారాల నిర్వహణలో వంశపారంపర్యంగా వచ్చే హక్కులపై కొన్ని సాంస్కృతిక వర్గాల్లో అంతర్గత చర్చలు జరగడం.
నిజంగానే భర్తీ చేస్తారా?:
ప్రస్తుత పరిస్థితిని క్షుణ్ణంగా పరిశీలిస్తే, మాతంగి స్వర్ణలతను తొలగిస్తున్నట్లుగానీ, వేరొకరిని ఆ స్థానంలో నియమించనున్నట్టు గానీ దేవదాయ శాఖ లేదా ఉజ్జయిని మహంకాళి ఆలయ కమిటీ ఎటువంటి అధికారిక ప్రకటన చేయలేదు. జరిగే ప్రచారమంతా కేవలం ఊహాగానాలు, సామాజిక మాధ్యమాల చర్చలకే పరిమితమైంది.
ఆలయ సాంప్రదాయాల ప్రకారం, రంగం భవిష్యవాణి అనేది ఒక నిర్దిష్ట కుటుంబానికి చెందిన మాతంగి పీఠంతో ముడిపడి ఉన్న ఆధ్యాత్మిక ఆచారం. అర్చకత్వం లేదా ఆలయ విశిష్ట క్రతువులు తరతరాలుగా ఎలా కొనసాగుతాయో, ఈ ఆచారం కూడా అలాగే నడుస్తోంది. భక్తుల నమ్మకం ప్రకారం స్వర్ణలత నోటి నుండి వచ్చే వాక్కునే అమ్మవారి అసలైన భవిష్యవాణిగా భావిస్తారు. కాబట్టి రాత్రికి రాత్రే ఆలయ యంత్రాంగం వేరొకరితో ఈ స్థానాన్ని భర్తీ చేయడం ఆచార రీత్యా సాధ్యపడదు.
ఆధ్యాత్మిక ఘట్టం:
లష్కర్ బోనాల రంగం అనేది కేవలం ఒక వ్యక్తికి సంబంధించిన అంశం కాదు. అది లక్షలాది మంది భక్తుల విశ్వాసంతో ముడిపడి ఉన్న ఆధ్యాత్మిక ఘట్టం. మాతంగి స్వర్ణలత స్థానాన్ని భర్తీ చేస్తారనే వార్తలకు ఎలాంటి అధికారిక ప్రాతిపదిక లేదు. భక్తులు ఇటువంటి పుకార్లను నమ్మాల్సిన అవసరం లేదని, పాత సాంప్రదాయాల ప్రకారమే మహంకాళి బోనాల రంగంలో మాతంగి స్వర్ణలత భవిష్యవాణి కొనసాగుతుందని స్పష్టమవుతోంది.
Also Read: Periods in Temple: గుళ్లో ఉండగా పిరియడ్స్ వస్తే ఏం చేయాలి? పురాణాలు, శాస్త్రాలు ఏం చెప్తున్నాయి?
