Summer: తెలంగాణ రాష్ట్రంలో రాబోయే మూడు రోజుల పాటు తీవ్రమైన ఎండలు నమోదయ్యే అవకాశం ఉందని హైదరాబాద్ వాతావరణ కేంద్రం హెచ్చరించింది. ఈ నేపథ్యంలో ప్రజలు అప్రమత్తంగా ఉండాలని వైద్యారోగ్య శాఖ సూచించింది. ముఖ్యంగా మధ్యాహ్నం వేళల్లో బయటకు వెళ్లకుండా జాగ్రత్తలు తీసుకోవాలని అధికారులు తెలిపారు.
పబ్లిక్ హెల్త్ డైరెక్టర్ డాక్టర్ రవీందర్ నాయక్ మాట్లాడుతూ, మధ్యాహ్నం 12 గంటల నుంచి మధ్యాహ్నం 3 గంటల వరకు అత్యవసరం అయితే తప్ప బయటికి వెళ్లకూడదని ప్రజలకు సూచించారు. ఈ సమయంలో సూర్యకిరణాలు తీవ్రంగా ఉండటంతో హీట్ స్ట్రోక్ లేదా డీహైడ్రేషన్ సమస్యలు వచ్చే ప్రమాదం ఎక్కువగా ఉంటుందని ఆయన చెప్పారు. ముఖ్యంగా చిన్నపిల్లలు, వృద్ధులు, గర్భిణీల, అనారోగ్య సమస్యలు ఉన్నవారు ప్రత్యేక జాగ్రత్తలు తీసుకోవాలని సూచించారు.
వేసవి కాలంలో శరీరంలో నీటి మోతాదు తగ్గిపోవడం వల్ల అలసట, తలనొప్పి, తలనిర్బంధం వంటి సమస్యలు వచ్చే అవకాశముందని వైద్యులు చెబుతున్నారు. అందుకే దాహం వేయకపోయినా తరచూ నీళ్లు తాగాలని సూచిస్తున్నారు. అలాగే మజ్జిగ, నిమ్మరసం, కొబ్బరి నీరు వంటి ద్రవాలను తీసుకోవడం వల్ల శరీరం చల్లగా ఉండటమే కాకుండా డీహైడ్రేషన్ నుంచి కూడా రక్షణ లభిస్తుందని వైద్యులు పేర్కొన్నారు.
ఇక బయటకు వెళ్లాల్సిన పరిస్థితి ఉంటే తలపై గుడ్డ లేదా టోపీ ధరించడం మంచిదని చెప్పారు. అలాగే సడలైన, పలుచటి దుస్తులు ధరించడం వల్ల వేడి ప్రభావం కొంత వరకు తగ్గుతుందని తెలిపారు. ఎండలో ఎక్కువసేపు తిరగకుండా చూసుకోవడం, అవసరమైనప్పుడు నీరు లేదా ఇతర ద్రవాలు తీసుకోవడం చాలా అవసరమని వైద్య నిపుణులు సూచిస్తున్నారు.
Also Read: Thalapaty Vijay: విజయ్ లవ్స్ త్రిష.. ఆ రూమర్స్.. నిజమేనా..?
Summer: ‘రాబోయే మూడు రోజులు బయటికి రావొద్దు’
