US Immigration: అమెరికాలో ఉన్న అక్రమ వలసదారుల కోసం యూఎస్ ప్రభుత్వం ఒక ప్రత్యేక ఆఫర్ ప్రకటించింది. స్వచ్ఛందంగా తమ స్వదేశాలకు వెళ్లేందుకు సిద్ధమయ్యే వారికి 2600 డాలర్లు (సుమారు రూ.2.4 లక్షలు) ఎగ్జిట్ బోనస్గా అందజేస్తామని హోమ్ల్యాండ్ సెక్యూరిటీ విభాగం వెల్లడించింది. దీనితో పాటు, వారికి ఉచిత విమాన ప్రయాణ సదుపాయం కూడా కల్పిస్తామని తెలిపింది.
ఈ పథకం కింద, తమ దేశానికి తిరిగి వెళ్లాలనే ఆసక్తి ఉన్నవారు ‘సీబీపీ హోమ్’ (CBP Home) యాప్ ద్వారా నమోదు చేసుకోవాలి. అలా నమోదు చేసుకున్న వారి పేర్లను బలవంతపు డిపోర్టేషన్ జాబితా నుంచి తొలగిస్తామని అధికారులు పేర్కొన్నారు. అంటే, స్వచ్ఛందంగా వెళ్లేవారిపై కఠిన చర్యలు తీసుకోకుండా, సులభంగా స్వదేశానికి వెళ్లే అవకాశం కల్పించనున్నారు.
అక్రమ వలసదారులను తిరిగి పంపించే ప్రక్రియను అమెరికా 2025 జనవరి నుంచి వేగవంతం చేసింది. ఈ క్రమంలో వారిని స్వచ్ఛందంగా వెళ్లేలా ప్రోత్సహించడానికి ఈ తరహా ఆఫర్లను ప్రకటిస్తోంది. ప్రభుత్వం తెలిపిన వివరాల ప్రకారం, ఈ ఏడాది జనవరి నుంచి ఇప్పటివరకు సుమారు 22 లక్షల మందికి పైగా వలసదారులు అమెరికాను విడిచి తమ దేశాలకు తిరిగి వెళ్లారు.
హోమ్ల్యాండ్ సెక్యూరిటీ విభాగం అభిప్రాయం ప్రకారం, స్వచ్ఛందంగా స్వదేశానికి వెళ్లడం అక్రమ వలసదారులకు అత్యంత సురక్షితమైన, తక్కువ ఖర్చుతో కూడిన మార్గం. ఇలా వెళ్లడం ద్వారా అరెస్టులు, చట్టపరమైన సమస్యలు తప్పించుకోవచ్చని కూడా అధికారులు సూచిస్తున్నారు.
