Health Tips: మన శరీరంలో మూత్రపిండాలు ఎంతో ముఖ్యమైన అవయవాలు. ఇవి సరిగా పనిచేయకపోతే శరీరంలోని ఇతర అవయవాలపై కూడా ప్రభావం పడుతుంది. కాబట్టి కిడ్నీల ఆరోగ్యం విషయంలో ప్రత్యేక జాగ్రత్తలు తీసుకోవడం చాలా అవసరం. ప్రస్తుతం చెడు ఆహారపు అలవాట్లు, జీవనశైలి మార్పుల వల్ల చాలా మందిలో కిడ్నీ సమస్యలు పెరుగుతున్నాయి.
మూత్రపిండాలు దెబ్బతినడం ప్రారంభమైనప్పుడు శరీరం కొన్ని సంకేతాలు ఇస్తుంది. ముఖ్యంగా శరీరంలోని కొన్ని భాగాల్లో వాపు రావడం కిడ్నీ సమస్యకు సూచన కావచ్చు. అలాంటి లక్షణాలను గుర్తించి సమయానికి వైద్యుడిని సంప్రదిస్తే పెద్ద ప్రమాదాలను నివారించవచ్చు.
కిడ్నీ సమస్యలకు సంకేతంగా కనిపించే వాపులు
పాదాల్లో వాపు:
పాదాలు లేదా చీలమండల వద్ద వాపు కనిపిస్తే జాగ్రత్తగా ఉండాలి. కిడ్నీలు సరిగా పనిచేయకపోతే శరీరంలో ద్రవం నిల్వవుతుంది. దీంతో కాళ్లలో నీరు చేరి వాపు రావచ్చు. కారణం లేకుండా ఇలా జరిగితే వెంటనే డాక్టర్ను సంప్రదించడం మంచిది.
ముఖంలో వాపు:
కిడ్నీ సమస్యల వల్ల ముఖం మీద కూడా వాపు రావచ్చు. అయితే ముఖం ఉబ్బడానికి ఇతర కారణాలు కూడా ఉండొచ్చు. కాబట్టి అసలు కారణం తెలుసుకోవడానికి వైద్యుడి సలహా తీసుకోవాలి.
చేతుల్లో వాపు:
చేతుల్లో వాపు లేదా వేళ్లలో తరచూ నొప్పి ఉంటే అది కూడా కిడ్నీ సమస్యకు సంకేతం కావచ్చు. అలాంటి పరిస్థితుల్లో ఆలస్యం చేయకుండా పరీక్షలు చేయించుకోవడం అవసరం.
కడుపులో వాపు:
మూత్రపిండాలు సక్రమంగా పనిచేయకపోతే కడుపు ప్రాంతంలో కూడా వాపు ఏర్పడే అవకాశం ఉంటుంది. కడుపులో ఒక వైపు ఎక్కువగా వాపు లేదా నొప్పి అనిపిస్తే వెంటనే వైద్యుడిని సంప్రదించాలి.
కళ్ల చుట్టూ వాపు:
కళ్ల కింద లేదా కళ్ల చుట్టూ తరచూ వాపు కనిపిస్తే దానిని నిర్లక్ష్యం చేయకూడదు. కిడ్నీ సమస్యల వల్ల ఇలా జరుగుతుంది. దీనిని వైద్య పరిభాషలో పెరియోర్బిటల్ ఎడెమా అంటారు. అలాంటి లక్షణాలు కనిపిస్తే వెంటనే డాక్టర్ను సంప్రదించడం మంచిది.
మొత్తంగా చెప్పాలంటే శరీరంలో అనుకోకుండా వచ్చే వాపులను నిర్లక్ష్యం చేయకుండా గమనించడం అవసరం. సమయానికి పరీక్షలు చేయించుకుంటే కిడ్నీ సమస్యలను ముందుగానే గుర్తించి చికిత్స పొందవచ్చు.
Also Read: LPG Shortage: బ్లాక్ మార్కెట్ లో ఒక్క గ్యాస్ సిలిండర్ కి రూ,6,500
Health Tips: శరీరంలో ఈ ప్రాంతాల్లో వాపులున్నాయా.. ఐతే కిడ్నీలు పాడైనట్టే..!
