Tollywood: తెలుగు సినిమా ఇండస్ట్రీలో నందమూరి కుటుంబం, మంచు కుటుంబాల మధ్య చాలా కాలంగా సన్నిహిత సంబంధాలు కొనసాగుతున్నాయి. విశ్వవిఖ్యాత నటసార్వభౌముడు నందమూరి తారక రామారావు మరియు కలెక్షన్ కింగ్ మంచు మోహన్ బాబు కలిసి గతంలో కొన్ని సినిమాల్లో నటించారు. ఆ అనుబంధం తర్వాతి తరానికీ కొనసాగుతోంది. ముఖ్యంగా మంచు మనోజ్ ఇండస్ట్రీలో అందరితో కలిసిమెలిసి ఉండే వ్యక్తిగా పేరుపొందారు. అందుకే ఆయనకు ఇతర హీరోలతో కలిసి మల్టీస్టారర్ సినిమాలు చేయడంలో కూడా ఎలాంటి అభ్యంతరం లేదని గతంలోనే చెప్పారు. అంతేకాకుండా కథ నచ్చితే విలన్ పాత్రలు చేయడానికీ సిద్ధమే అని వెల్లడించారు.
ఇటీవల మంచు మనోజ్కు వరుసగా పలు సినిమా అవకాశాలు వస్తున్నాయి. అయితే వాటిలో కొన్నిటిని మాత్రమే ఆయన ఎంపిక చేసుకుంటున్నారని తెలుస్తోంది. ఈ క్రమంలో నందమూరి బాలకృష్ణ నటిస్తున్న కొత్త సినిమాలో మనోజ్ కీలక పాత్ర పోషించే అవకాశమున్నట్లు ఫిల్మ్ నగర్ వర్గాల్లో వార్తలు వినిపిస్తున్నాయి.
ప్రస్తుతం బాలకృష్ణ హీరోగా దర్శకుడు గోపీచంద్ మలినేని తెరకెక్కిస్తున్న చిత్రం ‘NBK111’. గతంలో వీరిద్దరి కలయికలో వచ్చిన ‘వీర సింహా రెడ్డి’ సినిమా మంచి విజయాన్ని సాధించిన విషయం తెలిసిందే. ఆ విజయంతో మరోసారి వీరిద్దరూ కలిసి ఈ కొత్త ప్రాజెక్ట్పై పని చేస్తున్నారు. ప్రస్తుతం ఈ చిత్రానికి సంబంధించిన ప్రీ-ప్రొడక్షన్ పనులు వేగంగా జరుగుతున్నాయి.
ఈ సినిమాలో ఒక కీలక నెగిటివ్ షేడ్ ఉన్న పాత్ర కోసం దర్శకుడు గోపీచంద్ మలినేని మంచు మనోజ్ను సంప్రదించినట్లు సమాచారం. బాలకృష్ణతో మనోజ్కు మంచి అనుబంధం ఉండటంతో ఈ ఆఫర్కు వెంటనే ఆయన అంగీకరించినట్లు తెలుస్తోంది. గతంలో ‘ఊ కొడతారా ఉలిక్కి పడతారా’ సినిమాలో మంచు మనోజ్ హీరోగా నటించగా, బాలకృష్ణ ప్రత్యేక పాత్రలో కనిపించారు.
ఇటీవల మంచు మనోజ్ రీ-ఎంట్రీ ఇచ్చిన తర్వాత వరుస విజయాలు సాధిస్తున్నారు. హీరోగా ‘భైరవం’ అనే మల్టీస్టారర్ సినిమాతో మంచి విజయం అందుకున్నారు. అలాగే విలన్గా నటించిన పాన్ ఇండియా చిత్రం ‘మిరాయ్’ కూడా విజయాన్ని అందుకుంది. ప్రస్తుతం ఆయన సోలో హీరోగా ‘డేవిడ్ రెడ్డి’ అనే సినిమాలో నటిస్తున్నారు. అదనంగా బాలకృష్ణ సినిమా సహా మరో రెండు మూడు ప్రాజెక్టులు కూడా చర్చల దశలో ఉన్నట్లు సినీ వర్గాల్లో సమాచారం వినిపిస్తోంది.
Also Read: Gold Rates: 4 రోజుల్లో రూ.9,560 తగ్గిన 10గ్రా.ల గోల్డ్ రేటు
Tollywood: బాలకృష్ణ సినిమాలో విలన్గా మంచు మనోజ్?
