Property Verification: సొంత ఇల్లు లేదా ప్లాట్ కొనడం అనేది ప్రతీ ఒక్కరి జీవితంలో ఒక డ్రీమ్. కొందరైతే అదే ధ్యేయంగా జీవితాంత కష్టపడుతూనే ఉంటారు. ఒకవేళ మీరు సొంత ఇల్లు కొనేందుకు సిద్ధమతే కొన్ని జాగ్రత్తలు(Property Verification) తీసుకోవడం తప్పనిసరి. లేదంటే కష్టపడి సంపాదించిన సొమ్ము రిస్క్లో పడే అవకాశం ఉంది. మీరు ఆస్తి కొనుగోలు చేసేముందు తప్పనిసరిగా పరిశీలించాల్సిన 7 ముఖ్యమైన అంశాలు ఏంటో ఇప్పుడు చూద్దాం:
-
DTCP / HMDA / UDA ఆమోదం (Layout Approval):
-
మీరు కొనుగోలు చేయాలనుకుంటున్న ప్లాట్ గానీ, స్థలానికి ప్రభుత్వం (DTCP, HMDA, GHMC లేదా సంబంధిత అర్బన్ డెవలప్మెంట్ అథారిటీ) నుండి లేఅవుట్ లాంటి పర్మిషన్లు ఉన్నాయో లేదో ముందే తెలుసుకోండి.
-
ఒకవేళ అనుమతి లేని అన్ఆథరైజ్డ్ లేఅవుట్లలో ప్లాట్లు కొంటే భవిష్యత్తులో మీరు ఆ స్థలంలో ఏదైనా నిర్మాణం చేయాలన్నా, రిజిస్ట్రేషన్ చేయించాలన్నా, లోన్ తీసుకోవాలనుకున్నా తీవ్ర ఇబ్బందులు పడాల్సి ఉంటుంది.
-
-
లింక్ డాక్యుమెంట్లు & టైటిల్ డీడ్ (Title Deed & Link Documents):
-
మీకు అమ్ముతున్న స్థలానికి సంబంధించిన వ్యక్తే దానికి అసలైన యజమానా కాదా పరిశీలించుకోవడం చాలా అవసరం. దీన్ని టైటిల్ డీడ్ ద్వారా ధృవీకరించుకోవాలి.
-
కనీసం గత 30 సంవత్సరాల ‘లింక్ డాక్యుమెంట్లు’ పరిశీలించాకే ముందుకు వెళ్లడం మంచిది. అంతే తాఆస్తి వారసత్వంగా వచ్చిందా, కొనుగోలు ద్వారా వచ్చిందా లేదా ఏవైనా వివాదాల్లో ఉందా అనేది కోర్టు లేదా లీగల్ అడ్వైజర్ ద్వారా లీగల్ ఒపీనియన్ తీసుకోవడం శ్రేయస్కరం.
-
-
ఎన్కంబరెన్స్ సర్టిఫికేట్ – EC (Encumbrance Certificate):
-
ఈ ఆస్తిపై ఎలాంటి తాకట్టు (Mortgage), బ్యాంక్ లోన్లు, లేదా ఇతర లీగల్ వివాదాలు లేవు అని తెలుసుకోవడానికి EC చాలా కీలకం.
-
మీరు ‘మీసేవ’ లేదా రిజిస్ట్రేషన్ శాఖ వెబ్సైట్ ద్వారా గత 30 ఏళ్లకు సంబంధించిన EC తీసుకొని చెక్ చేయవచ్చు. ఈ సర్టిఫికేట్లో ‘Nil Encumbrance’ అని ఉన్నట్టయితే ఆస్తిపై ఎలాంటి లోన్లు/తాకట్టు లేనట్లుగా నిర్థారించుకోవాలి.
-
-
పహాణీ / అడంగల్ & రికార్డ్ ఆఫ్ రైట్స్ – ROR (Revenue Records):
-
ముఖ్యంగా వ్యవసాయ భూమిని ప్లాట్లుగా మార్చిన ప్రదేశాల్లో భూమి స్వభావం (Land Use Classification) చెక్ చేయాలి.
-
తెలంగాణలో ‘ధరణి’ లేదా ఆంధ్రప్రదేశ్లో ‘మీభూమి’ వెబ్సైట్లలో పహాణీ/అడంగల్ రికార్డులను పరిశీలించవచ్చు. అది ప్రభుత్వ భూమి, అసైన్డ్ ల్యాండ్ లేదా నిషేధిత జాబితా (22A) లో లేకుంటేనే ముందడుగు వేయాలి.
-
-
మాస్టర్ ప్లాన్ (Master Plan Verification):
-
సదరు ప్లాట్ లేదా ఇల్లు భవిష్యత్తులో వచ్చే 100 ఫీట్ల రోడ్డు విస్తరణ, బఫర్ జోన్, లేదా గ్రీన్ బెల్ట్ కిందికి వస్తుందా అనేది మాస్టర్ ప్లాన్లో చెక్ చేసుకోవడం చాలా అవసరం.
-
అలాగే చెరువులు, కుంటలు, కాలువలకు చెందిన FTL (Full Tank Level) లేదా బఫర్ జోన్లో లేఅవుట్ లేకపోవడం శ్రేయస్కరం.
-
-
కొలతలు & సరిహద్దుల తనిఖీ (Physical Boundaries & Survey):
-
కాగితాల్లో ఉన్న విస్తీర్ణానికి (Square Yards/Sft), క్షేత్రస్థాయిలో ఉన్న ల్యాండ్కు సరిపోలుతోందో లేదో ఓ మంచి ఎక్స్ పీరియన్స్డ్ సర్వేయర్తో కొలిపించాలి.
-
ప్లాట్ సరిహద్దులు (Boundaries) సరిగ్గా ఉన్నాయో లేదో చెక్ చేయాలి. పక్క ప్లాట్లతో ఏవైనా ఆక్రమణలు/ఓవర్లాపింగ్ ఉన్నాయో లేదో ముందే పరిశీలించాలి.
-
-
బ్యాంక్ అప్రూవల్స్ & లోన్ క్లియరెన్స్ (Bank Approvals):
-
సదరు వెంచర్కు లేదా ప్రాజెక్ట్కు జాతీయ బ్యాంకు (Nationalized Banks) లేదా ప్రముఖ ఎన్బీఎఫ్సీలు (NBFCs) ప్రాజెక్ట్ అప్రూవల్ (APF Number) ఇచ్చాయో లేదో చూడాలి.
-
ప్రభుత్వ బ్యాంకులు ఆస్తి లీగల్ డాక్యుమెంట్లను క్షుణ్ణంగా పరిశీలించిన తర్వాతే రుణాలు మంజూరు చేస్తాయి. కాబట్టి బ్యాంక్ లోన్ పొందే అవకాశం ఉన్న ఆస్తులు చాలా వరకు సురక్షితమైనవి.
-
ఈ 7 జాగ్రత్తలు పాటిస్తే మీ ఆస్తి కొనుగోలు చట్టబద్ధంగా సురక్షితంగా ఉంటుంది.
Also Read: Best Mobiles Under 10000: 2026లో రూ.10 వేల లోపు బెస్ట్ స్మార్ట్ఫోన్లు.. టాప్ 5 మొబైల్స్ ఇవే!
