Irumudi: హిట్ కోసం ఎదురుచూస్తున్న మాస్ మహారాజా రవితేజ.. ‘ఇరుముడి(Irumudi)’ సినిమాతో ఆగస్టు 21న ప్రేక్షకుల ముందుకు రాబోతున్నారు. దీంతో మూవీ టీమ్ ప్రమోషన్స్ను జోరుగా నిర్వహిస్తోంది. ఇటీవల ఈ సినిమా నుంచి విడుదలైన ‘మల్లెపూల పల్లకి(Mallepula Pallaki)’ పాట మంచి స్పందనను అందుకుంటోంది. ప్రముఖ అయ్యప్ప భక్తి గీతాన్ని కొత్తగా రూపొందించడంతో పాటకు సోషల్ మీడియాలో మంచి క్రేజ్ వచ్చింది.
అయితే ఈ పాట విడుదలైన తర్వాత ఓ ఆసక్తికరమైన ప్రచారం మొదలైంది. గ్లోబల్ స్టార్ రామ్ చరణ్ ‘ఇరుముడి’లో స్పెషల్ క్యామియో చేస్తున్నారని, ముఖ్యంగా ‘మల్లెపూల పల్లకి’ పాటలో ఆయన కనిపిస్తారంటూ సోషల్ మీడియాలో వార్తలు వైరల్ అయ్యాయి. పాటకు సంబంధించిన ప్రమోషనల్ కంటెంట్లో కనిపించిన కొన్ని అంశాలు ఈ ఊహాగానాలకు మరింత బలం చేకూర్చాయి.
Also Read: Destination Wedding: SRH ఓనర్ తో మ్యూజిక్ డైరెక్టర్ పెళ్లి..!
రామ్ చరణ్ ఉన్నారా?
తాజాగా ఈ ప్రచారంపై మూవీ టీమ్ క్లారిటీ ఇచ్చింది. ‘మల్లెపూల పల్లకి’ పాటలో రామ్ చరణ్ ఎలాంటి క్యామియో చేయడం లేదని తెలిపింది. దీంతో సోషల్ మీడియాలో జరుగుతున్న ప్రచారం కేవలం రూమర్ మాత్రమేనని స్పష్టమైంది.
అయితే ఈ రూమర్కు కొన్ని కారణాలు కూడా ఉన్నాయి. గతంలో రవితేజ, రామ్ చరణ్ కలిసి పనిచేశారు. ‘నాయక్’ సినిమాలో రవితేజకు సంబంధించిన వాయిస్ ఓవర్లో చరణ్ భాగం కావడం, అలాగే రామ్ చరణ్కు మైత్రీ మూవీ మేకర్స్తో ఉన్న అనుబంధం కారణంగా అభిమానుల్లో ఈ అంచనాలు వచ్చాయి. దీనికి తోడు చరణ్ అయ్యప్ప స్వామి మాల ధరించడం కూడా ఈ ప్రచారానికి మరో కారణంగా మారింది.
Also Read: Reverse Teaser: రివర్స్ టీజర్.. ఫోన్ తిప్పి చూడాల్సిందే!
ఆగస్టు 21న రిలీజ్
‘ఇరుముడి’లో రవితేజ సరసన ప్రియా భవానీ శంకర్ హీరోయిన్గా నటించారు. బేబీ నక్షత్ర కీలక పాత్రలో కనిపించనుంది. మైత్రీ మూవీ మేకర్స్ నిర్మిస్తున్న ఈ సినిమాపై ఇప్పటికే మంచి అంచనాలు ఉన్నాయి.
మరోవైపు ‘మల్లెపూల పల్లకి’ పాటకు వస్తున్న స్పందన సినిమాకు ప్లస్గా మారింది. జీవీ ప్రకాశ్ కుమార్ అందించిన సంగీతం, రవితేజ మాస్ ఇమేజ్ సినిమాకు ప్రధాన ఆకర్షణగా నిలుస్తాయని అభిమానులు భావిస్తున్నారు.
మొత్తానికి రామ్ చరణ్ క్యామియోపై వస్తున్న వార్తలకు మూవీ టీమ్ క్లారిటీ ఇవ్వడంతో ఆ ఊహాగానాలకు తెరపడింది. ఇక రవితేజ ‘ఇరుముడి’ అసలు కథ, కంటెంట్తో ప్రేక్షకులను ఎంతవరకు ఆకట్టుకుంటుందో తెలియాలంటే ఆగస్టు 21 వరకు వేచి చూడాల్సిందే.
Also Read: Nayanthara: నయనతార గుండు చేయించుకున్నారా? వైరల్ ఫొటోల వెనుక అసలు నిజం ఇదే!
