Gold Rates: పెళ్లిళ్ల సీజన్ సమీపిస్తోంది. మూఢం ముగియడంతో మంచి రోజులు ప్రారంభమయ్యాయి. ఇలాంటి సమయంలో బంగారం ధరలు తగ్గడం కొనుగోలు దారులకు మంచి శుభవార్తగా మారింది. గత రెండు వారాలుగా బంగారం, వెండి ధరలు క్రమంగా పడిపోతుండగా, ఫిబ్రవరి 18 బుధవారం నాటికి పసిడి ధరలు మరింత తగ్గాయి. దీంతో ప్రస్తుతం బంగారం కొనుగోలు చేయాలనుకునే వారికి ఇది అనుకూల సమయం అని మార్కెట్ నిపుణులు సూచిస్తున్నారు.
ప్రస్తుతం దేశవ్యాప్తంగా 24 క్యారెట్ల బంగారం 10 గ్రాముల ధర సుమారు రూ.1,54,190గా ఉంది. అదే 22 క్యారెట్ల బంగారం 10 గ్రాములు రూ.1,41,340కు లభిస్తోంది. చెన్నైలో మాత్రం ధరలు కొంచెం అధికంగా ఉన్నాయి. అక్కడ 24 క్యారెట్ల బంగారం 10 గ్రాములు రూ.1,56,210గా ఉండగా, 22 క్యారెట్ల బంగారం రూ.1,43,190గా నమోదైంది.
ముంబై, కోల్కతా, బెంగళూరు, హైదరాబాద్, విజయవాడ, విశాఖపట్నం వంటి ప్రధాన నగరాల్లో 24 క్యారెట్ల బంగారం ధర 10 గ్రాములకు రూ.1,54,190గా, 22 క్యారెట్ల ధర రూ.1,41,340గా కొనసాగుతోంది. ఢిల్లీలో 24 క్యారెట్ల బంగారం రూ.1,54,340గా ఉండగా, 22 క్యారెట్ల ధర రూ.1,41,490గా ఉంది.
ఇక్కడ పేర్కొన్న ధరలు ఉదయం 8 గంటల వరకు అందిన సమాచారం ప్రకారం మాత్రమే. అంతర్జాతీయ మార్కెట్ మార్పుల కారణంగా రోజంతా ధరల్లో మార్పులు రావచ్చు.
వెండి ధర విషయానికి వస్తే, ప్రస్తుతం గ్రాముకు రూ.279.90గా ఉంది. దీంతో కిలో వెండి ధర రూ.2,79,900గా కొనసాగుతోంది.
బంగారం, వెండి ధరల తాజా వివరాలు తెలుసుకోవాలనుకుంటే 8955664433 నంబర్కు మిస్డ్ కాల్ ఇచ్చి సమాచారం పొందవచ్చు.
Also Read: Youtube: ప్రపంచ వ్యాప్తంగా స్తంభించిన యూట్యూబ్
Gold Rates: బంగారం, వెండి కొనే వారికి బంపర్ గుడ్న్యూస్
