Electric Scooters: భారతీయ మార్కెట్లో తక్కువ ధరలో అందుబాటులోకి వస్తున్న ఎలక్ట్రిక్ స్కూటర్లకు మంచి డిమాండ్ ఉంది. ముఖ్యంగా రూ. 50 వేల లోపు ధరలో లభించే మోడళ్లు నగర ప్రయాణాలకు అనుకూలంగా ఉంటాయి. ఇవి ప్రధానంగా లో-స్పీడ్ స్కూటర్లు. గరిష్ట వేగం సాధారణంగా గంటకు 25 కిలోమీటర్ల వరకు ఉంటుంది. చిన్న దూర ప్రయాణాలు, రోజువారీ అవసరాలకు ఇవి సరైన ఎంపికగా నిలుస్తాయి. ఇప్పుడు రూ. 50 వేల లోపు లభించే కొన్ని ప్రముఖ ఎలక్ట్రిక్ స్కూటర్ల వివరాలు తెలుసుకుందాం.
విడా VX2:
ఈ స్కూటర్ ధర సుమారు రూ. 44,990. ఒకసారి పూర్తి ఛార్జ్ చేస్తే దాదాపు 100 కిలోమీటర్ల వరకు ప్రయాణించవచ్చు. గరిష్ట వేగం గంటకు 70 కిలోమీటర్లు. బ్యాటరీ పూర్తి ఛార్జ్ కావడానికి సుమారు 3 గంటల 30 నిమిషాలు పడుతుంది.
కోమాకి ఎక్స్ వన్ (Komaki X One):
ఈ మోడల్ ధర సుమారు రూ. 34,999. ఒకే ఛార్జ్తో 85 నుంచి 100 కిలోమీటర్ల వరకు రేంజ్ అందిస్తుంది. గరిష్ట వేగం గంటకు 60 కిలోమీటర్లు.
యాకుజా రూబీ:
సుమారు రూ. 35,280 ధరతో లభించే ఈ స్కూటర్ ఒకే ఛార్జ్తో 55 కిలోమీటర్ల రేంజ్ ఇస్తుంది. గరిష్ట వేగం గంటకు 25 కిలోమీటర్లు. చిన్న పనుల కోసం ఇది సరసమైన ఎంపికగా చెప్పుకోవచ్చు.
జెలియో ఈవా (Zelio Eeva):
దాదాపు రూ. 50 వేల ధరతో అందుబాటులో ఉంటుంది. గరిష్ట వేగం గంటకు 25 కిలోమీటర్లు. ఒకసారి ఛార్జ్ చేస్తే 90–100 కిలోమీటర్ల వరకు ప్రయాణించవచ్చు.
ఉజాస్ ఈగో LA:
ఈ స్కూటర్ ధర సుమారు రూ. 39,880. ఒకే ఛార్జ్తో 75 కిలోమీటర్ల వరకు రేంజ్ ఇస్తుంది. తక్కువ వేగంతో సిటీ రైడింగ్కు అనుకూలంగా ఉంటుంది.
NIJ ఆటోమోటివ్ యాక్సెలెరో R14:
ఈ మోడల్ ధర రూ. 49,731. గరిష్ట వేగం గంటకు 25 కిలోమీటర్లు. ఒకే ఛార్జ్తో గరిష్టంగా 180 కిలోమీటర్ల వరకు ప్రయాణించే సామర్థ్యం ఉన్నట్లు కంపెనీ పేర్కొంటోంది.
Also Read: Virosh Wedding Photos: విజయ్ దేవరకొండ – రష్మిక పెళ్లి ఫొటోలు వైరల్..
Electric Scooters: రూ.50 వేలకే చీప్ అండ్ బెస్ట్ ఎలక్ట్రిక్ స్కూటర్లు
