Manchu Manoj: నందమూరి బాలకృష్ణ, దర్శకుడు గోపీచంద్ మలినేని కాంబినేషన్లో తెరకెక్కుతున్న ‘NBK-111’ సినిమాపై ఇప్పటికే భారీ అంచనాలు ఉన్నాయి. గతంలో వీరిద్దరి కలయికలో వచ్చిన ‘వీరసింహారెడ్డి’ బాక్సాఫీస్ వద్ద సూపర్ హిట్ కావడంతో, ఈ కొత్త ప్రాజెక్ట్పై అభిమానుల్లో మరింత ఆసక్తి నెలకొంది. ప్రస్తుతం ఈ సినిమా షూటింగ్ వేగంగా కొనసాగుతోంది.
ఇదిలా ఉండగా, నటుడు మంచు మనోజ్ పుట్టినరోజు సందర్భంగా చిత్ర బృందం ఒక సర్ప్రైజ్ అప్డేట్ ఇచ్చింది. ఈ క్రేజీ ప్రాజెక్ట్లో మనోజ్ కూడా భాగమవుతున్నట్లు అధికారికంగా ప్రకటించింది. దీంతో టాలీవుడ్లో ఈ వార్త హాట్ టాపిక్గా మారింది.
ఈ సందర్భంగా మంచు మనోజ్ సోషల్ మీడియాలో భావోద్వేగంగా స్పందించారు. తన జీవితంలో ఎంతో ప్రత్యేకమైన గిఫ్ట్ ఈ పుట్టినరోజున లభించిందని పేర్కొన్నారు. చిన్నప్పటి నుంచి తన గాడ్ ఫాదర్లా భావించే బాలకృష్ణతో కలిసి నటించాలనే కోరిక ఇప్పుడు నెరవేరుతోందని తెలిపారు.
భవిష్యత్తులో ఎన్ని సినిమాలు చేసినా, బాలయ్యతో మరియు గోపీచంద్ మలినేనితో చేసే ఈ సినిమా తన హృదయంలో ప్రత్యేక స్థానం సంపాదిస్తుందని మనోజ్ అన్నారు. థియేటర్లలో ప్రేక్షకులకు ఈ చిత్రం ఒక పెద్ద పండుగలా ఉంటుందని, ప్రతి క్షణం అభిమానులను ఆకట్టుకునేలా సినిమా రూపొందుతోందని హామీ ఇచ్చారు.
అయితే సినిమాలో మనోజ్ ఏ పాత్రలో కనిపించనున్నారనే విషయాన్ని చిత్రబృందం ఇంకా వెల్లడించలేదు. కానీ ఫిలింనగర్ వర్గాల సమాచారం ప్రకారం, ఆయన ఒక పవర్ఫుల్ విలన్ పాత్రలో బాలయ్యకు ఎదురుగా కనిపించే అవకాశం ఉందని ప్రచారం జరుగుతోంది.
ఇటీవల ‘మిరాయ్’, ‘భైరవం’ వంటి చిత్రాల్లో నెగెటివ్ షేడ్స్ ఉన్న పాత్రలతో ఆకట్టుకున్న మనోజ్, ఇప్పుడు బాలకృష్ణ సినిమాలో విలన్గా నటిస్తుండటం ఆసక్తిని పెంచుతోంది.
గతంలో మనోజ్ హీరోగా నటించిన ‘ఊ కొడతారా ఉలిక్కి పడతారా’ సినిమాలో బాలకృష్ణ ప్రత్యేక పాత్రలో కనిపించగా, ఇప్పుడు బాలయ్య సినిమా కోసం మనోజ్ కీలక పాత్రలో చేరడం ఈ ప్రాజెక్ట్కు మరింత హైప్ తీసుకొచ్చింది.
