Mutton: మటన్ ఆరోగ్యానికి మంచిదే అయినప్పటికీ, దాన్ని ఎప్పుడు, ఎంత పరిమాణంలో తీసుకుంటున్నామనే విషయం చాలా ముఖ్యం అని ఆరోగ్య నిపుణులు చెబుతున్నారు. ముఖ్యంగా రాత్రిపూట మటన్ తినే అలవాటు ఉన్నవారు కొన్ని జాగ్రత్తలు తప్పనిసరిగా పాటించాలి.
మటన్లో శరీరానికి అవసరమైన పలు పోషకాలు ఉంటాయి. చికెన్తో పోలిస్తే మటన్లో కొన్ని పోషకాలు ఎక్కువగా ఉంటాయని అంటారు. అయితే, “మంచిదే కదా” అని ఎక్కువగా తింటే మాత్రం సమస్యలు వస్తాయి. ముఖ్యంగా ఇప్పటికే ఆరోగ్య సమస్యలు ఉన్నవారు మటన్ను పరిమితంగా తీసుకోవడం మంచిది.
రాత్రి వేళల్లో మటన్ తినడం అంత మంచిది కాదని నిపుణులు సూచిస్తున్నారు. మటన్ జీర్ణం కావడానికి ఎక్కువ సమయం పడుతుంది. రాత్రిపూట మన జీర్ణ వ్యవస్థ సాధారణంగా నెమ్మదిగా పనిచేస్తుంది. దీంతో మటన్ సరిగ్గా జీర్ణం కాక కడుపులో బరువు, అసౌకర్యం కలిగే అవకాశం ఉంది. కడుపు ఉబ్బరం, మలబద్ధకం వంటి సమస్యలు కూడా రావచ్చు.
ఇక జీర్ణం సరిగా కాకపోతే నిద్ర కూడా భంగం కలుగుతుంది. రాత్రి ప్రశాంతంగా నిద్రపోలేకపోతే, దాని ప్రభావం మరుసటి రోజు శరీరంపై కనిపిస్తుంది. అలసట, అసహనం వంటి సమస్యలు ఎదురయ్యే అవకాశం ఉంటుంది.
మటన్లో కొవ్వు శాతం ఎక్కువగా ఉంటుంది. రాత్రిపూట తిన్న తర్వాత శారీరక శ్రమ లేకుండా నిద్రపోతాం కాబట్టి ఆ కొవ్వు శరీరంలో పేరుకుపోయి బరువు పెరగడానికి దారితీస్తుంది. దీర్ఘకాలంలో ఇది గుండె సంబంధిత సమస్యలకు కారణమవుతుంది.
అలాగే మటన్లో సోడియం కూడా ఎక్కువగా ఉండే అవకాశం ఉంది. ఇది రక్తపోటు పెరగడానికి దోహదం చేస్తుంది. ఎక్కువగా మటన్ తీసుకోవడం వల్ల డయాబెటిస్ వచ్చే ప్రమాదం కూడా పెరుగుతుందని నిపుణులు హెచ్చరిస్తున్నారు.
అందుకే మటన్ను పూర్తిగా మానేయాల్సిన అవసరం లేకపోయినా, సరైన సమయానికి, పరిమితంగా తీసుకోవడం చాలా అవసరం. ప్రత్యేకంగా రాత్రి ఆలస్యంగా మటన్ తినడం తగ్గిస్తే ఆరోగ్యానికి మంచిది.
