Weight Loss: బరువు తగ్గడం చాలామందికి కఠినమైన సవాలు. కానీ క్రమశిక్షణ, పట్టుదల ఉంటే అది సాధ్యమేనని నిరూపించింది సర్టిఫైడ్ న్యూట్రిషనిస్ట్ అమాకా. ఆమె కేవలం 4 నెలల్లోనే 25 కిలోలు తగ్గింది. తన బరువు తగ్గించే ప్రయాణంలో అమలుచేసిన 7 కఠిన నియమాలను ఆమె సోషల్ మీడియాలో పంచుకుంది.
అమాకా పాటించిన 7 కఠిన నియమాలు
1. చక్కెర పానీయాలకు గుడ్బై
బరువు తగ్గడంలో చక్కెర పెద్ద శత్రువు. అమాకా పూర్తిగా చక్కెర పానీయాలు మానేసింది. వాటి బదులు డిటాక్స్ వాటర్, నిమ్మరసం-అల్లం టీ, గ్రీన్ టీ, చియా వాటర్ వాడింది. ఉదయం, రాత్రి ఈ పానీయాలను తప్పక తీసుకునేదాన్ని అని తెలిపింది.
2. రోజూ 10 వేల అడుగులు నడక
2023లో వచ్చిన ఒక అధ్యయనం ప్రకారం, నడక బరువు తగ్గడమే కాదు గుండె ఆరోగ్యానికి కూడా మంచిదని నిరూపితమైంది. అమాకా వారానికి 4–5 రోజులు 10,000 అడుగులు నడిచేది. అలసట, ఒత్తిడి ఉన్నా ఆపేది కాదు. అదనంగా వారానికి 2–3 రోజులు వెయిట్ ట్రైనింగ్ చేసి మెటాబాలిజం పెంచుకుంది.
3. ప్రోటీన్ ఎక్కువగా తీసుకోవడం
ప్రోటీన్ శరీరానికి బలాన్ని ఇస్తుంది. కాబట్టి ప్రతి భోజనంలోనూ ప్రోటీన్ ఉండేలా చూసేది. ఇది ఆకలి తగ్గించడమే కాదు, ఆకర్షణీయమైన ఆకృతిని కూడా నిలబెట్టిందని చెప్పింది.
View this post on Instagram
4. క్రమశిక్షణతో కాంటిన్యూ కావడం
“ప్లాన్ లేకుండా భోజనం చేస్తే జంక్ తినేదాన్ని. అందుకే ప్రతి ఆదివారం రైస్, స్మూతీలు, పండ్లు, చికెన్, వెజిటబుల్స్ ముందుగానే సిద్ధం చేసేదాన్ని. ఈ అలవాటు నన్ను క్రమశిక్షణతో ఉంచింది” అని అమాకా వెల్లడించింది.
5. డిటాక్స్ కోసం ఫ్రూట్ ఫాస్టింగ్
వారం లో కనీసం 1–2 రోజులు ఫ్రూట్ ఫాస్టింగ్ చేసి డిటాక్స్ చేసేది. దీంతో ఆకలి తగ్గిపోయి, బొజ్జ కొవ్వు వేగంగా కరిగిందని తెలిపింది.
6. అన్నింటినీ రికార్డు చేయడం
నడక, భోజనం, నీరు – అన్నింటినీ రికార్డు చేసేది. ఇలా ట్రాక్ చేయడం వల్ల డిసిప్లిన్ పెరిగి, ఫోకస్ నిలబెట్టుకోవచ్చని చెప్పింది.
7. విశ్వాసం, మద్దతు
“నా ప్రయాణాన్ని దేవుడికి అప్పగించాను. ఆయన దయ, శక్తి కోరుకున్నాను. అలాగే కోచ్, స్నేహితులు ఇచ్చిన మద్దతుతో ప్రతిరోజూ క్రమం తప్పకుండా కంటిన్యూ కావడం సాధ్యమైంది” అని అమాకా తెలిపింది.
👉 ఇలా క్రమశిక్షణ, పట్టుదలతో అమాకా 4 నెలల్లో 25 కిలోలు తగ్గింది. ఇప్పుడు మరెంతో మందికి బరువు తగ్గేలా ప్రోత్సహిస్తోంది.
