Home Remedies: వాస్తుశాస్త్రం ప్రకారం ఇంట్లో ఉంచే వస్తువులు, మనం ఉపయోగించే దుస్తులు కూడా ఇంటి వాతావరణంపై ప్రభావం చూపుతాయని నిపుణులు చెబుతున్నారు. ముఖ్యంగా పాత బట్టలు, లోదుస్తులు ఎక్కువకాలం ఉపయోగించి మరుగున పడేసి ఉంచితే అవి మన శరీరంలోని శక్తిని గ్రహించి ప్రతికూల ప్రభావాన్ని పెంచే అవకాశం ఉందని వాస్తు నిపుణుల అభిప్రాయం. ఈ విధమైన దుస్తులను గదుల మూలల్లో లేదా అల్మారాల్లో అలాగే పేరబెట్టడం వల్ల ఇంట్లో నెగటివ్ ఎనర్జీ పెరుగుతుందని వారు సూచిస్తున్నారు.
ఆధ్యాత్మిక గురువులు, పూజారులు చెప్పినట్టు లోదుస్తులు వ్యక్తిగత శక్తిని ఎక్కువగా ఆకర్షిస్తాయి. మనం రోజూ ధరించే ఈ దుస్తులు శరీర ఉష్ణోగ్రత, చెమట, ఒత్తిడి వంటి అంశాలను గ్రహిస్తాయి. దీని వల్ల వాటిలో ఒక రకమైన “ఎనర్జీ ముద్ర” ఏర్పడుతుందని నమ్మకం ఉంది. అటువంటి బట్టలను శుభ్రం చేయకుండా మూలల్లో వేయడం లేదా చాలా కాలం నిల్వ ఉంచడం వల్ల ఆ ప్రతికూల ప్రభావం ఇంటి మొత్తం వాతావరణంపై పడే అవకాశముందని అంటున్నారు.
ఇల్లు మన జీవనశైలికి ప్రతిబింబంలాంటిదే. ఇల్లు ఎంత శుభ్రంగా, సక్రమంగా ఉంచుకుంటే కుటుంబ సభ్యుల మధ్య సంబంధాలు కూడా అంతే సాఫీగా ఉంటాయని పెద్దలు చెబుతుంటారు. పాత బట్టలు, అవసరం లేని వస్తువులు ఎక్కువగా ఇంట్లో ఉంచడం వల్ల మనసులో భారంగా అనిపించడం, కుటుంబ సభ్యుల మధ్య చిన్న చిన్న విభేదాలు, ఒత్తిడులు పెరగడం వంటి పరిస్థితులు ఏర్పడవచ్చని కొందరు భావిస్తున్నారు. అలాగే ఆర్థిక ఇబ్బందులు లేదా ఆరోగ్య సమస్యలు కూడా రావచ్చని వాస్తు విశ్వాసం.
అందుకే ఇంట్లో శుభం, ఆరోగ్యం, ధనసంపద కొనసాగాలంటే ఉపయోగం లేని పాత బట్టలను తొలగించడం, ఇంటిని పరిశుభ్రంగా ఉంచడం, అవసరమైన వాటినే నిల్వ చేసుకోవడం మంచిదని వాస్తు మరియు జ్యోతిష్య నిపుణులు సూచిస్తున్నారు. చిన్న చిన్న అలవాట్లను మార్చుకోవడం ద్వారా ఇంటి వాతావరణం మరింత సానుకూలంగా మారుతుందని వారు చెబుతున్నారు.
Also Read: House Maid: నిమిషాల్లో పని మనిషి.. గంటకు ఎంత ఛార్జ్ చేస్తారంటే!
Home Remedies: పాత బట్టలతో ఇల్లు తుడిస్తున్నారా..!
