Priscilla : మెటా బిలియనీర్ CEO మార్క్ జుకర్‌బర్గ్ తన భార్య ప్రిస్సిల్లా చాన్ పై ప్రేమను చాటుకున్నారు. తన ఇంటి పెరట్లో ఓ పెద్ద శిల్పాన్ని ఏర్పాటు చేశారు. 40 ఏళ్ల టెక్ మొగల్ ఆగస్టు 13న ఇన్‌స్టాగ్రామ్‌లో ఈ ఫొటోను పంచుకున్నారు. ఈ శిల్పం న్యూయార్క్ నగరానికి చెందిన ప్రసిద్ధ కళాకారుడు డేనియల్ అర్షమ్ రూపొందించాడు. ఇది అతని సిగ్నేచర్ స్టైల్ ను ప్రతిబింబిస్తోంది. వాస్తుశిల్పం, శిల్పం, ప్రదర్శన కళ అంశాలను ఇది మిళితం చేస్తుంది.
View this post on Instagram
ఈ విగ్రహం టిఫనీ గ్రీన్ పాటినాతో కూడిన ఆర్షమ్ ఇటీవలి కాంస్య పనులకు అద్భుతమైన పోలికను కలిగి ఉంది. “మీ భార్య శిల్పాలను తయారుచేసే రోమన్ సంప్రదాయాన్ని తిరిగి తీసుకువస్తున్నాం. ధన్యవాదాలు @danilarsham” అని పోస్ట్ శీర్షిక గా ఉంది. దీనికి జుకర్‌బర్గ్ భార్య ప్రిసిల్లా కూడా రిప్లై ఇచ్చింది. ఈ కళాఖండాన్ని తన భార్యకు అంకితం చేస్తూ జుకర్‌బర్గ్ చేసిన సిగ్నేచర్ తో సోషల్ మీడియా యూజర్స్ ఆకర్షితులయ్యారు.
12 సంవత్సరాలకు క్రితం వివాహం చేసుకున్న మార్క్ జుకర్‌బర్గ్, ప్రిస్సిల్లా చాన్ ముగ్గురు కుమార్తెలను కలిగి ఉన్నారు. – మాక్సిమా, ఆగస్ట్, ఆరేలియా. ఈ జంట 2003లో మార్క్ జుకర్‌బర్గ్ హార్వర్డ్‌లో ఉన్న సమయంలో కాలేజ్ పార్టీలో కలుసుకున్నారు.
