Modi: ప్రధాని నరేంద్ర మోదీ పుట్టపర్తిలో జరిగిన సత్యసాయి శత జయంతి ఉత్సవాల్లో పాల్గొనడం తన అదృష్టమని అన్నారు. కార్యక్రమంలో మాట్లాడుతూ సత్యసాయి విశ్వప్రేమకు ప్రతీక అని, భౌతికంగా ఆయన లేకపోయినా ప్రేమ రూపంలో ఇప్పటికీ మనతో ఉన్నారని పేర్కొన్నారు. ఆయన బోధనలు దేశమంతటా ప్రభావం చూపుతున్నాయని, కోట్లాది భక్తులు మానవసేవ చేస్తూ సత్యసాయి ప్రేమసూత్రాలను అనుసరిస్తున్నారని తెలిపారు.
‘అందరినీ ప్రేమించండి, అందరికి సేవ చేయండి’ అనే బోధన ఎందరో జీవితాలను మార్చిందని, తాగునీరు, వైద్యం, విద్య వంటి రంగాల్లో బాబా చేసిన సేవలు గొప్పవని మోదీ ప్రశంసించారు. పుట్టపర్తి పవిత్ర భూమి ప్రత్యేకతను గుర్తుచేస్తూ సత్యసాయి సంస్థలు ఇలాగే ప్రేమ, సేవను కొనసాగించాలని అన్నారు.
ఈ సందర్భంగా సత్యసాయి జీవితం, బోధనలు, సేవలకు గుర్తుగా రూపొందించిన రూ.100 నాణెం, నాలుగు తపాలా బిళ్లలను ప్రధాని ఆవిష్కరించారు. కార్యక్రమానికి ఏపీ సీఎం చంద్రబాబు, డిప్యూటీ సీఎం పవన్ కల్యాణ్, మంత్రి లోకేశ్ తదితరులు హాజరయ్యారు.
