Viral Video: కరీంనగర్లో ఓ యువకుడు తన మానవత్వాన్ని చాటుకున్న సంఘటన అందరినీ కదిలించింది. సాధారణంగా ఇంట్లో పాము కనబడితే భయంతో కొట్టి చంపుతారు. కానీ ఈ యువకుడు మాత్రం భిన్నంగా ఆలోచించాడు.
ఒక ఇంట్లో పాము దూరిందని సమాచారం అందగానే స్నేక్ క్యాచర్ సుమన్ అక్కడికి వెళ్లాడు. అక్కడికి చేరుకున్న అతను పామును చూసి దిగ్బ్రాంతికి గురయ్యాడు. ఆ పాము కదలలేని స్థితిలో ఉంది. తోక గాయపడి, దాదాపు తెగిపోవడంతో అది పూర్తిగా అచేతనంగా మారింది. అటువంటి పరిస్థితిలో కూడా ఆ పాముపై సుమన్కు కనికరం కలిగింది.
చాలామంది అలాంటి సందర్భంలో పామును వదిలిపెట్టేసి వెళ్లిపోతారు. కానీ సుమన్ మాత్రం వేరే నిర్ణయం తీసుకున్నాడు. వెంటనే ఆ గాయపడిన పామును జాగ్రత్తగా పట్టుకుని వెటర్నరీ ఆసుపత్రికి తీసుకెళ్లాడు. అక్కడి వైద్యులు పరీక్షించి, అవసరమైన చికిత్స అందించారు. కొంత సమయం చికిత్స తర్వాత ఆ పాము కొంత కోలుకుంది.
చికిత్స ముగిసిన తరువాత సుమన్ ఆ పామును వన్యప్రాణి సంరక్షణ కేంద్రానికి అప్పగించాడు. దానిని తిరిగి ప్రకృతిలో వదిలిపెట్టే వరకు సురక్షితంగా ఉంచాలని నిర్ణయించారు.
ఈ సంఘటన ద్వారా సుమన్ చూపించిన మానవత్వం అందరికీ ఒక మంచి సందేశాన్ని ఇస్తోంది. మనకు హాని కలిగించే జంతువుల పట్ల కూడా కరుణ చూపవచ్చని, వాటి జీవన హక్కును కాపాడవచ్చని ఆయన తన చర్యతో నిరూపించాడు. సమాజంలో ప్రతి ఒక్కరూ ఇలాంటి ఆలోచన కలిగి ఉంటే, మానవత విలువలు మరింత బలపడతాయి.
