Marriage: హరియాణా ప్రభుత్వం మతాంతర వివాహాలపై కీలక ఆదేశాలు జారీ చేసింది. మతాన్ని దాచిపెట్టి పెళ్లి చేసుకునే వారిపై కఠిన చర్యలు తీసుకోవాలని జిల్లా కలెక్టర్లు, ఎస్పీలకు ఆదేశాలు పంపింది. ఈ చర్యలు మతమార్పిళ్ల నిరోధక చట్టం 2022 ప్రకారం అమలు చేయబడతాయి.
ఈ చట్టం ప్రకారం, వివాహం కోసం మతాన్ని మార్పిడి చేయడం నిషేధం. ఎవరైనా బలవంతంగా లేదా మోసపూరితంగా మతమార్పిడి చేస్తే, ఆ వివాహం రద్దు అవుతుంది. అదేవిధంగా, నేరం నిరూపితమైతే రూ.4 లక్షల వరకు జరిమానా మరియు పదేళ్ల వరకు జైలుశిక్ష విధించవచ్చు.
మతమార్పిడికి ఆసక్తి ఉన్న వ్యక్తులు ముందుగా సంబంధిత అధికారులకు దరఖాస్తు చేసుకొని, నిర్ణీత గడువుదాకా నిరీక్షించాలి. ప్రభుత్వం స్పష్టం చేసింది—ఈ చట్టం వ్యక్తుల మత స్వేచ్ఛను అడ్డుకోవడానికేమీ కాదు, కానీ ఆ పేరుతో జరిగే చట్టవ్యతిరేక కార్యకలాపాలను అరికట్టడమే ప్రధాన ఉద్దేశమని.
