Ganpati Procession : మహారాష్ట్రలోని నాగ్‌పూర్ జిల్లాలో గణేష్ విగ్రహ నిమజ్జనం ఊరేగింపులో బాణాసంచా కాల్చడంతో ఏడుగురు మహిళలు గాయపడ్డారని ఈ రోజు (సెప్టెంబర్ 20) ఒక అధికారి తెలిపారు. నలుగురు మహిళల పరిస్థితి ఇంకా విషమంగా ఉన్నట్లు సమాచారం. జిల్లా కేంద్రానికి 60 కిలోమీటర్ల దూరంలోని ఉమ్రేద్ పట్టణంలో సెప్టెంబర్ 19న రాత్రి ఈ ఘటన చోటుచేసుకుందని ఆయన తెలిపారు.
‘శివస్నేహ్ గణేష్ మండల్’ (ఒక కమ్యూనిటీ సమూహం) ఊరేగింపు బాణాసంచా మధ్య శ్రీకృష్ణ ఆలయానికి వెళుతుండగా ప్రమాదం జరిగింది. ప్రత్యక్ష సాక్షుల ప్రకారం, ఒక మండల సభ్యుడు పటాకులు పేల్చుతుండగా, ఊరేగింపును వీక్షించడానికి గుమిగూడిన వారి మధ్య కొందరు ఎగిరిపోయి పేలడంతో తొక్కిసలాట వంటి పరిస్థితి ఏర్పడింది.
నిప్పురవ్వలు తగలడంతో ఏడుగురు మహిళలు గాయపడగా వారిని స్థానిక ఆసుపత్రికి తరలించారు. వారిలో నలుగురి పరిస్థితి విషమంగా ఉన్నట్లు ఉమ్రేద్ పోలీస్ స్టేషన్ అధికారి తెలిపారు.
