Air Pollution: వాయు కాలుష్యాన్ని నియంత్రించే ప్రయత్నంలో, ఢిల్లీ ప్రభుత్వం రాబోయే శీతాకాలంలో దేశ రాజధానిలో పటాకుల ఉత్పత్తి, అమ్మకం, వాడకాన్ని నిషేధించింది. వివరాలను తెలియజేస్తూ, ఆన్‌లైన్‌లో పటాకుల అమ్మకం, డెలివరీపై కూడా నిషేధం వర్తిస్తుంది అని ఢిల్లీ పర్యావరణ మంత్రి గోపాల్ రాయ్ ఒక ప్రకటనలో తెలిపారు.
నిషేధాన్ని పటిష్టంగా అమలు చేసేందుకు ఢిల్లీ పోలీసులు, ఢిల్లీ కాలుష్య నియంత్రణ కమిటీ, రెవెన్యూ శాఖల సహకారంతో కార్యాచరణ ప్రణాళికను సిద్ధం చేస్తామని ఆయన తెలిపారు. “పటాకుల ఉత్పత్తి, నిల్వ, అమ్మకం, వినియోగంపై నిషేధం జనవరి 1, 2025 వరకు అమలులో ఉంటుంది” అని రాయ్ ప్రకటనలో తెలిపారు.
కాలుష్య నియంత్రణకు 21 ఫోకస్ పాయింట్ల ఆధారంగా ఢిల్లీ ప్రభుత్వం చేపట్టిన శీతాకాల కార్యాచరణ ప్రణాళికలో ఇది భాగమని ఆయన చెప్పారు.
