Black Beans: బ్లాక్ బీన్స్ ధర తక్కువగా లభించినప్పటికీ పోషకాల పరంగా ఎంతో సమృద్ధిగా ఉంటాయి. ఇతర బీన్స్తో పోలిస్తే ఇవి సులభంగా అందుబాటులో ఉంటాయి. రోజువారీ ఆహారంలో బ్లాక్ బీన్స్ను చేర్చుకుంటే ఆరోగ్యానికి అనేక లాభాలు కలుగుతాయి. ముఖ్యంగా ఇవి కార్బోహైడ్రేట్స్ ఎక్కువగా కలిగి ఉండటంతో పాటు శరీరానికి అవసరమైన కీలక పోషకాలను అందిస్తాయి.
బ్లాక్ బీన్స్లో ఫైబర్, ఫోలేట్, కాపర్, విటమిన్ B1, ఫాస్ఫరస్, మాంగనీస్, ప్రోటీన్, మెగ్నీషియం, ఐరన్ వంటి ముఖ్యమైన పోషకాలు పుష్కలంగా ఉంటాయి. ఇవన్నీ కలిసి శరీర ఆరోగ్యాన్ని మెరుగుపరచడంలో కీలక పాత్ర పోషిస్తాయి.
పేగుల ఆరోగ్యానికి బ్లాక్ బీన్స్ ఎంతో ఉపయోగపడతాయి. ఇందులో ఉన్న కార్బోహైడ్రేట్స్ రెసిస్టెంట్ స్టార్చ్ రూపంలో ఉండటం వల్ల జీర్ణక్రియ మెరుగవుతుంది. ఇవి పేగుల పనితీరును చక్కగా ఉంచి, ప్రేగుల్లోని మంచిన బ్యాక్టీరియా పెరుగుదలకు సహాయపడతాయి. ఒత్తిడి తగ్గించడంలో కూడా ఇవి తోడ్పడతాయి.
షుగర్ ఉన్నవారికి బ్లాక్ బీన్స్ మంచి ఆహార ఎంపిక. చికెన్, చేపలలో లభించే ప్రోటీన్ మాదిరిగానే ఇందులో కూడా అధిక ప్రోటీన్ ఉంటుంది, కానీ కొలెస్ట్రాల్ మాత్రం ఉండదు. దీనివల్ల రక్తంలో చక్కెర స్థాయిలు నియంత్రణలో ఉంటాయి. ఇందులోని డైటరీ ఫైబర్ రక్తంలో చెడు కొలెస్ట్రాల్ను తగ్గించడంలో సహాయపడుతుంది.
గుండె ఆరోగ్యానికి కూడా బ్లాక్ బీన్స్ ఉపయోగకరంగా ఉంటాయి. మొక్కల ఆధారిత ప్రోటీన్ కావడంతో వీటిలో కొలెస్ట్రాల్ తక్కువగా ఉంటుంది. రెగ్యులర్గా తీసుకుంటే శరీరంలోని చెడు కొలెస్ట్రాల్ తగ్గి, గుండె పనితీరు మెరుగవుతుంది.
బరువు తగ్గాలనుకునేవారికి బ్లాక్ బీన్స్ మంచి ఆహారం. ఇందులో ఉండే అధిక డైటరీ ఫైబర్ ఆకలిని నియంత్రిస్తుంది. ఎక్కువసేపు కడుపు నిండిన భావన కలిగించి, అనవసరంగా ఎక్కువ కేలరీలు తీసుకోవకుండా చేస్తుంది. ఫలితంగా బరువు తగ్గేందుకు సహాయపడుతుంది.
మొత్తంగా చూస్తే, తక్కువ ధరలో లభించే బ్లాక్ బీన్స్ ఆరోగ్యానికి ఎన్నో ప్రయోజనాలు అందించే పోషకాహారం. రోజువారీ డైట్లో వీటిని చేర్చుకోవడం వల్ల శరీరం ఆరోగ్యంగా, చురుకుగా ఉంటుంది.
