Gastric Problems: మారిన జీవనశైలి(Life Style)తో ఆహారపు అలవాట్లు కూడా మారిపోయాయి. ఫలితంగా తీవ్రమైన ఒత్తిడి(Tension), నిద్రలేమి(Lack of Sleep) వంటి ఎన్నో ఆరోగ్య సమస్యలు వేధిస్తుంటాయి. చాలా మంది ఎదుర్కొంటున్న ప్రధాన ఆరోగ్య సమస్య గ్యాస్ట్రిక్ (Gastric Problem) ఎంతో ఇబ్బందికి గురి చేస్తుంది. ఈ రోజుల్లో కావల్సినంత తినడం ముఖ్యం కాదు.. తిన్న ఆహారం సరిగ్గా జీర్ణం కాకపోవడమే అసలైన సమస్య. అలా అజీర్తిగా ఉన్నా, పొట్ట ఉబ్బరంగా అనిపించినా, పుల్లటి తేన్పులు, గుండెల్లో మంట వంటివన్నీ కూడా గ్యాస్ట్రిక్ సమస్యకు ప్రధాన సంకేతాలే. మనం ప్రతిరోజూ తీసుకునే కొన్ని రకాల ఆహార పదార్థాలే ఈ గ్యాస్ ఉత్పత్తికి ప్రధాన కారకాలు. అవేంటంటే..
గ్యాస్ట్రిక్ సమస్యలను పెంచే ప్రధాన ఆహారాలు:
-
కారం మరియు మసాలా పదార్థాలు: అధికంగా కారం, మసాలాలు, నూనెతో కూడిన వేపుళ్లు (Deep-fried foods) తీసుకోవడం వల్ల జీర్ణాశయ పొర చికాకుకు గురవుతుంది. ఇది కడుపులో యాసిడ్ ఉత్పత్తిని పెంచి గుండెల్లో మంట, అసిడిటీకి దారితీస్తుంది.
-
కూల్ డ్రింక్స్, కార్బోనేటెడ్ పానీయాలు: సోడాలు, శీతల పానీయాలు (Cool Drinks) తాగినప్పుడు కార్బన్ డయాక్సైడ్ గ్యాస్ నేరుగా జీర్ణవ్యవస్థలోకి చేరుతుంది. దీనివల్ల కడుపు ఉబ్బరం (Bloating), నిరంతర తేన్పులు వస్తాయి.
-
జంక్ ఫుడ్, ప్రాసెస్ చేసిన ఆహారం: పిజ్జాలు, బర్గర్లు, బేకరీ తినుబండారాలు, మైదాతో చేసిన ఆహారాలు జీర్ణం కావడానికి చాలా సమయం పడుతుంది. వీటిలో ఉండే కొవ్వు పదార్థాలు జీర్ణక్రియ వేగాన్ని తగ్గించి కడుపులో గ్యాస్ తయారయ్యేలా చేస్తాయి.
-
పప్పు ధాన్యాలు మరియు కొన్ని కూరగాయలు: శనగలు, బొబ్బర్లు, బఠానీలు, క్యాబేజీ, క్యాలీఫ్లవర్ వంటి వాటిలో సంక్లిష్ట కార్బోహైడ్రేట్లు (Complex Carbohydrates) మరియు పీచు పదార్థం ఎక్కువగా ఉంటాయి. పేగుల్లోని బ్యాక్టీరియా వీటిని విచ్ఛిన్నం చేసేటప్పుడు సహజంగానే గ్యాస్ విడుదలవుతుంది.
-
పాలు, పాల ఉత్పత్తులు: కొందరిలో ‘లాక్టోస్ అసహనం’ (Lactose Intolerance) ఉంటుంది. అలాంటి వారు పాలు, జున్ను వంటి పాల ఉత్పత్తులు తీసుకున్నప్పుడు సరిగ్గా అరగక పొట్టలో తీవ్రమైన గ్యాస్, కడుపునొప్పి వస్తాయి.
-
కాఫీ, టీ (కెఫిన్): ఖాళీ కడుపుతో లేదా అతిగా టీ, కాఫీలు తాగడం వల్ల జీర్ణాశయంలో యాసిడ్ స్థాయిలు పెరిగి గ్యాస్ట్రిక్ సమస్యలు తీవ్రమవుతాయి.
నివారణ మార్గాలు:
-
ఆహారాన్ని గబగబా తినకుండా సరిగ్గా నమిలి నిదానంగా తినాలి.
-
రోజుకు కనీసం 2-3 లీటర్ల నీరు తాగడం వల్ల జీర్ణక్రియ మెరుగుపడుతుంది.
-
భోజనం చేసిన వెంటనే పడుకోకుండా కాసేపు నడవాలి.
-
ఇంగువ, వాము, జీలకర్ర కషాయం లేదా గోరువెచ్చని నీరు తీసుకోవడం వల్ల గ్యాస్ నుండి తక్షణ ఉపశమనం లభిస్తుంది.
Also Read: PM Awas Yojana: సొంత ఇళ్లు మీ కలా? ఇలా అప్లై చేయండి
