Chinese Wok: ‘దేశీ చైనీస్’ క్విక్ సర్వీస్ రెస్టారెంట్ (QSR) అయిన చైనీస్ వోక్, తెలంగాణ, ఏపీల్లో తన ఉనికిని మరింత బలోపేతం చేసుకుంటోంది. దీంతోపాటు దేశవ్యాప్తంగా “చైనీస్ బోలే తో, చైనీస్ వోక్” అనే కొత్త ప్రచార కార్యక్రమాన్ని కూడా ప్రారంభించింది. ప్రస్తుతం, హైదరాబాద్, విజయవాడ, గుంటూరు, విశాఖపట్నంలలో 20 కంటే ఎక్కువ స్టోర్లను నిర్వహిస్తున్న చైనీస్ వోక్, ఈ ఆర్థిక సంవత్సరంలో మరో 5-8 స్టోర్లను తెరవాలని యోచిస్తోంది. తద్వారా మరిన్ని ఉపాధి అవకాశాలు కల్పించాలని సంస్థ భావిస్తోంది.
కొత్త ప్రచారం గురించి..
కొత్త ప్రచారం ప్రధానాంశం సరదాగా, అందరికీ సులభంగా అర్థమయ్యే వినియోగదారు సత్యం చుట్టూ తిరుగుతుంది. చాలా మంది ప్రజలు చైనీస్ ఫుడ్ అవుట్లెట్లను తప్పుగా పిలవడం లేదా సాధారణంగా వేరే పేర్లతో పిలవడం వంటి నిజ జీవిత సంఘటనలను హాస్యభరితంగా ఈ ప్రచారంలో చూపించారు. ప్రతి పొరపాటును చూపించిన తర్వాత, గుర్తుంచుకోదగిన పంచ్ లైన్తో ముగిస్తారు: “చైనీస్ బోలే తో, చైనీస్ వోక్.” ఈ కథనం వినోదాన్ని పంచుతూనే, బ్రాండ్ను బలంగా గుర్తుంచుకునేలా చేస్తుంది.
దేశవ్యాప్తంగా చైనీస్ వోక్ ‘దేశీ చైనీస్’ కోరికలకు పర్యాయపదంగా ఉండేలా ఈ ప్రచారం దోహదపడుతుంది. ఈ ప్రచారం గురించి లెనెక్సిస్ ఫుడ్వర్క్స్ వ్యవస్థాపకుడు, డైరెక్టర్ ఆయుష్ మధుసూదన్ అగర్వాల్ మాట్లాడుతూ.. “ఆంధ్రప్రదేశ్, తెలంగాణ మాకు అత్యంత ఆశాజనకమైన మార్కెట్లు వేగంగా అభివృద్ధి చెందుతున్నాయి. ఇక్కడి ప్రజలు ఫ్లేవర్స్ని బాగా ఇష్టపడతారు. హైదరాబాద్, విజయవాడ, వైజాగ్ వంటి నగరాలు మా ఘాటైన, స్పైసీ ఫ్లేవర్స్ను ఆదరించాయి. ‘చైనీస్ బోలే తో, చైనీస్ వోక్’తో, మేము మా కేటగిరీ లీడర్షిప్ను సరదా సాంస్కృతిక అంశంతో కలుపుతున్నాము” అని అన్నారు.
విస్తృత ప్రణాళిక
ప్రస్తుతం 45+ నగరాల్లో 240+ అవుట్లెట్లను నిర్వహిస్తున్న చైనీస్ వోక్, 2027 నాటికి 500 అవుట్లెట్లకు విస్తరించాలని లక్ష్యంగా పెట్టుకుంది.
