ISRO: ఇస్రో ఖాతాలో మరో విజయం.. LVM3-M5 ప్రయోగం విజయవంతం

• ఆర్బిట్‌లోకి CMS-3 శాటిలైట్‌ను విజయవంతంగా ప్రవేశపెట్టిన ఇస్రో
• CMS-3 శాటిలైట్‌ బరువు 4,410 కిలోలు
• 16.09 నిమిషాల్లో ఆర్బిట్‌లోకి ఉపగ్రహం
• భారత్‌ ప్రవేశపెట్టిన ఉపగ్రహాల్లో ఇదే అతిపెద్ద ఉపగ్రహం
• ప్రయోగంలో పాల్గొన్న శాస్త్రవేత్తలకు అభినందనలు
• LVM3 రాకెట్‌ ద్వారా చంద్రయాన్‌ -3 ప్రయోగం విజయవంతమైంది. -ఇస్రో ఛైర్మన్‌

ISRO: భారత అంతరిక్ష పరిశోధన సంస్థ (ISRO) మరో గొప్ప విజయాన్ని అందుకుంది. దేశంలోనే తయారు చేసిన అత్యంత బరువైన కమ్యూనికేషన్ ఉపగ్రహం CMS-03 ను శక్తివంతమైన LVM3-M5 రాకెట్‌ ద్వారా విజయవంతంగా అంతరిక్ష కక్ష్యలో ప్రవేశపెట్టింది. శ్రీహరికోటలోని సతీష్ ధవన్ స్పేస్ సెంటర్ నుంచి ఆదివారం సాయంత్రం 5:26 గంటలకు ఈ ప్రయోగం జరిగింది. 4,410 కిలోల బరువు కలిగిన ఈ ఉపగ్రహం, భారత్ ఇప్పటివరకు ప్రయోగించిన కమ్యూనికేషన్ శాటిలైట్‌లలో అత్యంత బరువైనది. చంద్రయాన్-3 తర్వాత LVM3 రాకెట్ సాధించిన మరో గణనీయ విజయం ఇది. ప్రయోగ సమయంలో అన్ని వ్యవస్థలు సజావుగా పనిచేయడంతో మిషన్ పూర్తిగా విజయవంతమైంది.

నౌకాదళానికి మరింత శక్తి

CMS-03 ఉపగ్రహం ప్రధానంగా భారత నావికాదళం కోసం ప్రత్యేకంగా రూపొందించబడింది. 2013లో ప్రయోగించిన GSAT-7 (రుక్మిణి) కు ప్రత్యామ్నాయంగా ఇది పనిచేయనుంది. ఇది UHF, S, C, Q బ్యాండ్‌ల ద్వారా పని చేస్తూ భారత్ భూభాగం మరియు సముద్ర ప్రాంతాల్లో భరోసా కలిగిన కమ్యూనికేషన్ సేవలను అందిస్తుంది. దీని వల్ల నావికాదళం సముద్రంలో దూర ప్రాంతాల్లో కూడా స్పష్టమైన సమాచార సంబంధాలు కొనసాగించగలదు.

రియల్-టైమ్ కమ్యూనికేషన్ & పర్యవేక్షణ

ఈ శాటిలైట్‌తో:

• యుద్ధ నౌకలు

• సబ్‌మెరైన్లు

• నౌకాదళ విమానాలు

• కోస్ట్ కమాండ్ కేంద్రాలు

మధ్య రియల్-టైమ్ వాయిస్, వీడియో, డేటా కమ్యూనికేషన్ సాధ్యం అవుతుంది.
అంతేకాదు, ఇందులో ఉన్న ఆధునిక ఎన్‌క్రిప్షన్ ఫీచర్లు భద్రతను మరింత పెంచుతాయి. సముద్ర పర్యవేక్షణ వ్యవస్థ (Maritime Domain Awareness) లో ఇది కీలక భాగంగా మారనుంది.

‘బాహుబలి రాకెట్’ LVM3-M5 విశేషాలు

LVM3-M5 రాకెట్‌ను ప్రేమగా ‘బాహుబలి’ అని పిలుస్తారు. ఇది మూడు-దశల హెవీ లిఫ్ట్ లాంచ్ వెహికల్:

Also Read: Rahul Gandhi: చెరువులో చేపలు పట్టిన రాహుల్ గాంధీ

ISRO: ఇస్రో ఖాతాలో మరో విజయం.. LVM3-M5 ప్రయోగం విజయవంతం